काठमाडौँ – शिखर इन्स्योरेन्सले मौसम सूचकांकमा आधारित स्याउ खेतीको बिमा गरेका कर्णालीका किसानलाई २ करोड ५५ लाख रुपैयाँ बराबरको दाबी रकम भुक्तानी गरेको छ ।
माथिल्लो कर्णालीका जुम्ला, कालीकोट र मुगुका गरी १ हजार ३ सय ९१ जना किसानलाई २ करोड ५५ लाख दाबी भुक्तानी हस्तान्तरण गरिएको हो ।
जुम्लामै सबैभन्दा बढी ७ सय बिरुवाको बिमा गराउने पातारासीका किसान अधिराज विष्टले १ लाख ८९ हजार बराबरको बिमा भुक्तानी रकम बुझेको कम्पनीले जनाएको छ ।
